!! يــــــــــــــآبحر انا جيتكـ،،،!!
يــــا بحر انا جيتك من همومي اعاني
جاك قلبي يشتكي فرقا حـــبيبه
جيتك كلي امل تاخذ همومي عشاني
اسألك بالله يا بحر اسمع هالمصيبه
ابحكي لك عن اللي خذا قلبي ووجداني
انادي له وصوتي يسمعه وعيا لا يجيبه
اشتقت له واشتاقت له كل المواني
كل عرق بداخلي يسأل ليه طول مغيبه
كنت لا شفته تشتعل في داخلي كل الاماني
كان لي نور بسود الليالي اقتدي به
كنت في قربه يمر وقتي عجل مثل الثواني
كنت افتخر به قدام ناسي واحتفي به
كنت اغيظه بالجفا عشان اعرف مكاني
كنت اشعل غيرته ثم ارجع انتخي به
كنت اتعمد اهجره ومعه كل وجداني
عشان اسمع عتابه واسمع منه تأنيبه
كنت اجيه بغروري وبكبريائي اللي كساني
عشان يقول حبك غرورك بس اللي يعيبه
كنت في قربه مستبشره فيه كل المحاني
كنت في قلبه كنت له اقرب قريبه
لين دقت ساعة الفرقا وبقسوته جاني
يقول ارحلي وقلبك اليوم الله حسيبه
حاولت اتعذر لكنه انعقد حتى لساني
كنت ابقول هذي سالفه وهم وعجيبه
واليوم قلبه قسا ورحل مع شخص ثاني
والجمر في اعماق قلبي تزايد لهيبه
احس الكون في بعده عاف قلبي وسلاني
واحس الدنيا ضاقت من عقب ماهي رحيبه
وكل من مر من يمي بكلمتين واساني
يقولوا ارحمي قلبٍ بدا يخفت من نحيبه
قلت ياناس اسمعوني:شوفوا حبيبي نساني
وعمرٍ من عقب فرقاه ضيع قلبي نصيبه
وادري ان الله خذا مني مثل ماهو عطاني
وادري ان الغالي تركني برضاه ماهو غصيبه
بس اقول الـــــله كريم وعمر كل الناس فاني
والمكان اللي خــــــــلا من زوله وش ينبغي به
اسألك بالله يا بحر لو انك مكاني
وش تسوي لا صار قلبك فـــاقد حبيبه
__________________
الإثنين سبتمبر 22, 2008 5:01 pm
